martes, 18 de febreiro de 2020

UNIferia

Do 17 ao 28 de febreiro, non perdades a oportunidade de informarvos da oferta de graos das diferentes universidades  de España na páxina web www.uniferia.org 

A través desta páxina, poderedes contactar directamente con responsables dos títulos que vos interesen para que vos resolvan dúbidas.!!

Aquí tedes un pequeno vídeo informativo sobre UNIferia


luns, 13 de xaneiro de 2020


ACREDÍTATE CONVOCATORIA 2020!!!!

Pon en valor a túa experiencia laboral
A Consellería de Educación, Universidade e Formación Profesional puxo en funcionamento o procedemento para recoñecer, avaliar e acreditar, con carácter oficial, as competencias profesionais adquiridas no desenvolvemento do traballo ou por outras vías non formais de aprendizaxe.
Esta acreditación busca pór en valor a experiencia laboral das galegas e dos galegos.
Queremos recoñecer os saberes adquiridos ao longo da vida co fin de facilitar a mellora no mercado laboral e a progresión persoal e profesional.
Acredita toda unha vida de traballo
Obterás unha acreditación oficial, con validez en todo o Estado, e un plan de formación á túa medida.
 

 PRAZO DE INSCRIPCIÓN DO 13 DE XANEIRO AO 7 E FEBREIRO

PARA MÁIS INFORMACIÓN CONTACTA  CO DEPARTAMENTO DE ORIENTACIÓN

venres, 29 de novembro de 2019

30 de novembro: Día Internacional da Loita contra os Trastornos Alimentarios



O alumnado de 2º da ESO do noso centro, o mércores 27 de novembro de 2019, recibiu un obradoiro de prevención dos Trastornos da Conduta Alimentaria impartido por CIOR Galicia. Queremos agradecer a súa colaboración co noso centro.

Hoxe (29/11/19) fixemos un lazo para promover a defensa desta causa.